قصص رعب: كابوس الطفوله
أسمى يوسف عندى ١٨ سنة بدأت قصتي لما أشتريت لأختى عروسة لعبة بمناسبة عيد ميلادها من صغرى وأنا بكره الدمي وبخاف منها لكن دى اختى الوحيدة اللى هتيجى من السفر مع العيلة بعد أسبوع .. انا ساكن لوحدى ف البيت فى الإجازة وهما بيسافروا وييجوا على الدراسة المهم انا من النوع اللى بحب أفلام الرعب جدا زى اى حد بسبب انها افلام شيقة رغم ان الناس بتخاف منها بس بردو لازم يتفرجوا ، انا بردو بخاف بس خوف طبيعى لأنى بردو بنى ادم بس فى فيلم مش بس بيخوفنى لا ده سببلى عقدة نفسية رغم ان الفيلم ده مش مرعب بالنسبة للناس العاديين بس بالنسبالى كان حاجة مرعبة جدا وهو الفيلم الشهير "chucky" بيتكلم عن الدمي والعرايس المتحركة اللى بمجرد ماتكون لوحدها بتبدأ تتحرك وتتكلم بشكل مرعب بس أقدر ابرر خوفى من الفيلم اللى محدش بيخاف منه غيرى هو إنى بخاف من الدمي حتى انى كنت بتخيل كل العرايس والدباديب اللى فى البيت بتستنانا ننام وتقوم وتتحرك حتى من قبل ما الفيلم يتعمل كل الكلام ده مأكدليش ان الموضوع ده بجد وممكن يحصل فى الحقيقة إنما اللى أكدلى هى القصة اللى حصلت معايا وهحكيها بالتفصيل .. تبدأ أحداث القصة وانا فى محل لعب الأطفال بحاول ادور ل اختي ع هديه اجبهالها ونا بدور شوفت عروسة لعبة فى أخر المحل عجبتنى جدا رغم شكلها المرعب صاحب المحل قالى إن النوعية دى مش للبيع وإن محدش بيرضى يشتريها علشان شكلها المرعب وحجمها الضخم بس أنا أصريت إنى أخدها ومعرفش ليه بس هى دخلت دماغى وفعلا اشتريتها واخدتها وروحت وفى نفس الليلة رجعت للبيت حطيت العلبة اللى فيها العروسة فى الصالة ودخلت أوضتى مسكت موبايلى وطبعا سرحت فيه لمدة ساعتين بعدين قومت ادخل الحمام وأنا طالع من الاوضة وماشى بسرعة لفت أنتباهى شخص قاعد فى الصالة لمحته بسرعة وانا معدى رجعت تانى بضهرى علشان أتأكد بس ده مش شخص دى العروسة اللعبة خطر فى بالى مليون سؤال لكن السؤال الأول هو مين اللى اللى طلع البتاعة دى برة كيستها ؟ حاولت أقنع نفسى إن انت اللى خرجتها بس أنا ناسى بحاول أضحك على نفسى واعمل نفسى مصدق علشان ميكونش اللى ف بالى صح لكن الساعة دقت 2 وبدأ الرعب الحقيقى.....
الساعة دقت 2 وده معاد نومى ومعرفش هيجيلى نوم ازاى بعد اللى حصل طفيت النور واتغطيت وانا بحاول أفكر فى أى حاجة تانية بس مفيش فايدة بس فجأة سمت صوت خرفشة فى الباب الصوت كان واطى بس من الطبيعى ان الانسان فى الضلمة بيكون سمعه أفضل لأن التركيز كله بيكون على حاسة السمع المهم وقفت صوت الاغانى علشان أتأكد وياريتنى ماوقفتها سمعت صوت حوافر عمالة تخبط فى الباب من تحت قومت بسرعة وقفت وانا ميت من الرعب ومتأكد إن دى الدمية وداخلة تقتلنى فضلت أقرب بالراحة من الباب ودقات قلبى بتهز جسمى من شدتها والعرق مغرقنى ومكنش قدامى حل غير إنى أفتح الباب بسرعة وفعلا عملت كدة وفعلا فتحت الباب مره واحده بس الحمدلله دى القطة بتاعتى اللى كنت قربت أنسى انها معايا فى البيت طبعا كان هاين عليا اقتلها بعد فيلم الرعب اللى عيشتنى فى أحداثه ده بس للاسف القطة دى غالية عندى شوية بس تصرفاتها كانت غريبة شوية كانت عمالة تنونو جامد وعنيها مليانة خوف وبتبصلى وبتبص لبرا ذى ماتكون عاوزة تقول حاجة انا طبعا فاهم كل حاجة بس عامل نفسى عبيط بصيت من بعيد على الصالة ورغم ان البيت كله ضلمة إلا إنى شوفت الدمية دى قاعدة فى مكانها وبتبصلى بعنيها المبرقة وابتسامتها المرعبة بنظرة فيها شماتة أو انتصار ذى ماتكون عاوزة تقولى انها عملت فى القطة كدة علشان تسببلى كل الرعب اللى حصلى اخدت القطة وقفلت على نفسى ونمت ومعرفش جالى نوم ازاى بعد اللى حصل بس كنت حاسس انى مرهق اكيد بسبب الرعب اللى حصل صحيت تانى يوم روحت قعدت مع واحد صاحبى اسمه كريم هو أقرب صديق ليا وباخد رأيه فى كل حاجة تقريبا المهم لما حكيتله الموضوع قابلنى بسخرية وفضل يضحك فترة كبيرة وبعدها قالى : انت لسه خواف ذى مانت وبتخاف من اللعب ، قولتله : لو ناوي تهزر همشى قالى : خلاص متزعلش هو اكيد اللى حصل كان من تأثير السهر الي سهرناه امبارح جرب كدة متسهرش النهاردة وهيبقى كله تمام كلامه كان مقنع جدا و اخدت بنصيحته وروحت البيت بدرى علشان اشوف هيحصل حاجة ولا لا بس للاسف كلامه مكنش صح اطلاقاً........دقت الساعة 2 بس الغريب إنى مجاليش نوم يمكن يكون السهر هو اللى كان بيخلينى انام بدرى المهم قولت طالما مش جايلى نوم قولت اتفرج على فيلم سهرة mbc2 انهاردة الاتنين والمعاد ده بيتعرض فيه الافلام الرعب بس طبعا افلام الرعب مابقتش هتأثر فيا بعد اللى شوفته وفعلا جبت القناه ولسه هبدآ اتفرج بس للاسف ده مكنش اى فيلم ده كان فيلم chucky وكان تتر البداية حاولت اقلب بس الريموت علق وفجأة النور قطع وفضل حوالى 3 دقايق وانا قاعد وخايف اتحرك من مكانى لغاية ماجه تانى وكان الفيلم بدأ ودخل فى الأحداث واول حاجة ظهرت هى العرايس دى وهى بتتكلم مع بعض وفجأة ظهرت قدامى برا التليفزيون العروسة اللى انا جايبها قومت بسرعة فتحت النور لقيتها قاعدة فى مكانها فى الصالة وفجآه النور قطع تانى بس المرادى جه بسرعة بس المرادي لقيتها قاعدة جمبى وبتضحك طبعا اتفزعت واتخضيت دخلت اوضتى بسرعة وفضلت أفكر شوية مع نفسى واكتشفت انى مش مستفيد حاجة ان خوفى ده ملهوش لازمة طالما مش هيغير حاجة دي كدة هترعبنى اكتر لازم اعمل حاجة وأخد خطوة جراءة عن كدة انا لازم اصورها وأوريها لصاحبى اللى مش مصدقنى وهو يخلصنى منها وفعلا طلعت برا ف الصاله تاني ونا ميت م الرعب بس مفيش حل غير كدا وفعلا شغلت الكاميرا الأمامية وقعدت قدام التليفزيون وبدأت التسجيل وانا باصص فى الموبايل وفجأة ظهرت ورايا وهى بتبص للكاميرا وبتضحك بصيت ورا أشوفها بس مش لقيت حاجة منكرش انى كنت هموت من الخوف بس فى نفس الوقت اخدت خطوة كبيرة لقدام ولقيت دليل أقوله للناس انى صح صحيت تانى يوم الصبح وروحت ل كريم وشغلت الفيديو وياريتنى ماشغلته....
الفيديو كان شغال تمام لغاية اللقطة اللى ظهرت فيها ورايا ومظهرتش فى الفيديو رجعتها تانى ومظهرتش بردو وجت اللقطة انى ببص للهوا وطبعا كريم قابلنى بضحكته الشمتانة كالعادة بس مقدرتش ارد عليه لأنه فعلا له حق الصراحة بس انا بردو متأكد من اللى حصل وان الحركة دى مقصودة لانى متفرج على الفيديو ده قبل ما اروحله ييجى 10 مرات وكلهم ظهرت فيه اكيد فى حاجة غلط روحت اليوم ده وانا مقرر انى مش هنام تانى غير لما أخلص من الموضوع ده دخلت قعدت جنبها وانا مركز فى عينيها بس لاحظت انها ممثلة انها ثابتة بس عنيها بتتحرك حركة خفيفة فى مكانها ذى البني ادم وعاوزة ترمش ولاحظت بردو على ايديها نقط دم مقدرتش استحمل اكتر من كدة وقومت دخلت اوضتى لقيت زى مايكون فى طفل نايم على سريرى واللى خلاني اقترح كدة هو ان جسمه صغير شيلت الغطا بسرعة علشان اشوف أصعب مشهد فى حياتى لقيت القطة بتاعتى مدبوحة وراسها مقطوعة عن جسمها مين هيعمل كدة غير اللى قاعد برا وايديه عليها دم ؟ قررت من اللحظة دى انى لازم أتخلص من البتاعة دى لأنها لو فضلت أكتر من كدة هيبقى الدور عليا دخلت عليها لقيت عنيها بتنزل دم وعمالة تتهز بالكرسى اللى قاعدة عليه مهمنيش كل ده واخدتها وفتحت باب الشقة وانا حيران اوديها فين قطع تفكيرى واحدة جارتى وهى اللى كانت دايما بتسأل عليا طول ما أهلى مسافرين لانها قريبة جدا من والدتى المهم سألتني عن العروسة قولتلها انى واخدها أتخلص منها علشان مش مريحانى وبخاف منها قالتلى حرام ترميها دى شكلها جميل و نادر هاتها وانا هديها لبنتى هى بتحب تحتفظ بالحاجات دى اوى طبعا وافقت لأنها خلصتنى من حمل تقيل اوى وخلص المشهد وأنا فرحان جدا بس فى نفس الوقت حاسس بالذنب بس هى اللى طلبتها مش انا اللى اديتهالها كلمت كريم بعدها علشان ييجى يبات عندى انهاردة ونسهر براحتنا بس مكنتش اعرف ان الليلة اللى قضيتها وانا مبسوط ورايق كانت أسواء ليلة فى حياة جارتى وبنته
صحينا تانى يوم على صوت خبط الباب فتحت لقيتها جارتى وبنتها واقفين قدامي و وشهم فيه كيمة خوف مش طبيعيه وعمالين يعيطوا سألتهم فى ايه قالولي هنقولك كل حاجة بالتفصيل ... خلاصة اللى حصل معاهم إن أول ما الست خدت منى العروسة حطتها فى أوضة بنتها اللى كانت طول الليل بتذاكر علشان عندها امتحان الصبح طول الليل بنتها حاسة بحركات مش طبيعية فى الأوضة وصوت رجلين بتتحرك جمبها شوية وبرا الأوضة شوية وبتخبط جامد هى قالت لنفسها ده اكيد تهيؤات بسبب السهر طول الليل وبعد ساعات من الرعب اللى البنت عاشت فيه الامتحان قرب دخلت البنت الحمام وهى جوا سمعت صوت حد بيخبط عليها ولأن مفيش حد عايش معاها غير والدتها قالت : أستنى ياماما أنا جوا وبعد ماخلصت راحت البنت لأمها علشان تقولها انها خلصت بس اتفاجئت أن أمها نايمة نوم عميق ومستحيل تكون لسه نايمة من شوية صحت البنت أمها علشان تسألها ان كانت هى اللى خبطت أمها قالتلها انها مصيحتش خالص وان دى اكيد تهؤات من السهر والمذاكرة عملت البنت نفسها مقتنعة ومحبتش تقلق أمها ولا تحكيلها على اللى كانت بتسمعه طول الليل الغريب بقا إن البنت أول مارجعت البيت لقت أمها بتعيط وخايفة وبتشتكى إنها حست بحركات غريبة فى البيت وصوت حد بيمشى ويقرب منها كل شوية دخلت البنت اوضتها علشان تنام وفعلا اتغطت وعملت نفسها رايحة فى النوم وايديها على مفتاح النور وإحساس ان حد بيقرب منها عمال يزيد وأول ماحست ان الشخص ده قرب خالص فتحت النور بسرعة لقت العروسة دى وفى ايدها سكينة وكانت هتقتلها صرخت البنت بسرعة وطلعت من الأوضة وقفلت بالترباس وجريت على أمها وجم ليا علشان اشوفلهم حل طبعا فى اللحظة دى انا مكنش فى حاجة همانى غير شعور الانتصار اللى حسيته لما كريم اللى كان بيقول عليا مجنون حط وشه فى الأرض فهم هو نظراتى وقالى : مش وقت كل اللى انت عايز تقوله المهم دلوقتى نشوف حد يكون بيعرف يخرج الجن وفعلا جيبنا واحد شيخ بيقدر يخرجه بالقرآن دخل الشيخ قعد فى الأوضة مع الدمية لمدة نص ساعة ولما خرج صدمنا كلنا باللى قاله.......
خرجلنا الشيخ وقالنا انه مش هيقدر يعملنا حاجة اكتر من أنه يهدي الدمية دى لفترة مؤقتة ولما سألناه عن السبب قال : ده مش جن بالظبط ذى مانتوا فاهمين القطن اللى معمول منه العروسة دى كان اتمسح بيه دم شخص مقتول والقاتل هو اللى عمل كدة وحط القطن ده جوا العروسة علشان يبعد عن نفسه الشبهات روح الشخص اللى اتقتل رجعت تانى بس على هيئة دمية وده لأن الشخص القاتل لسه عايش حياته وحر الروح دى هتضطر تقتل كل اللى حواليها لو حقها مرجعش وأنا مضمنش انها تفضل هادية كدة كتير علشان كدة أنصحكم ترجعوا اللعبة دى للمحل اللى جيبتوها منه وصاحب المحل اكيد هيعرف يتصرف لأنه عارف مصدر كل الألعاب اللى بتجيله خلص الراجل كلامه وفعلا مترددناش وعملنا كدة فى وقتها وروحنا على المكان اللى فيه المحل بس اكتشفنا ان المحل ده ملهوش وجود اصلا لما فقدت الأمل انى ألاقى المحل ده روحت رميتها فى سلة زبالة ومشيت وأنا راجع كلمت الشيخ وحكيتلو ع الي حصل بس قالى ان اللى عملته ده غلط وإن الروح هى اللى هيئتلى المكان ده علشان تقع فى طريقى واساعدها تجيب حقها وانها كدة مش هتسيبنى فى حالى رجعت البيت لقيت نفس منظر القطة متكرر تانى رغم انى أخدت القطة رميتها ولقيت عبارة مكتوبة على الحيطة " النهاية قريبة " الجملة دى رجعتنى بالزمن سنتين من سنتين كنت بشترى مخدرات انا وكريم من واحد قاعد فى منطقة ريفية الراجل ده فى الاصل بيتاجر فى القطن وبيصنع بيه عرايس الراجل ده كان دايما بيقول النهاية قريبة بين كلامه كتير المهم الراجل ده كان ليه عندنا فلوس وكان عاوزها بس كريم مارضيش يديهاله فحصل بينهم شد فى الكلام ومسكوا فى بعض روحت انا بكل تهور وعدم تفكير جبت سكينة وضربتها فى زوره وأخدنا قطن من القطن بتاعه ومسحنا بيه الدم عشان ميكنش فيه اي اثر للجريمة الي حصلت معرفناش نخبي القطن دا فين غير اننا نحطه ف اي عروسه من العرايس الي عنده وفعلا اخدنا عروسة من اللى بيعملهم وحشيت فيها القطن اللى عليه دم وهربنا... الكلام ده معناه ايه ؟ أنا القاتل ! والعروسه دي مش هتمشي غير لما تقتلني.....؟! ..
.
النهاية ❤
قصة رعب سر جاري والشيطان
أسمى يوسف عندى ١٨ سنة بدأت قصتي لما أشتريت لأختى عروسة لعبة بمناسبة عيد ميلادها من صغرى وأنا بكره الدمي وبخاف منها لكن دى اختى الوحيدة اللى هتيجى من السفر مع العيلة بعد أسبوع .. انا ساكن لوحدى ف البيت فى الإجازة وهما بيسافروا وييجوا على الدراسة المهم انا من النوع اللى بحب أفلام الرعب جدا زى اى حد بسبب انها افلام شيقة رغم ان الناس بتخاف منها بس بردو لازم يتفرجوا ، انا بردو بخاف بس خوف طبيعى لأنى بردو بنى ادم بس فى فيلم مش بس بيخوفنى لا ده سببلى عقدة نفسية رغم ان الفيلم ده مش مرعب بالنسبة للناس العاديين بس بالنسبالى كان حاجة مرعبة جدا وهو الفيلم الشهير "chucky" بيتكلم عن الدمي والعرايس المتحركة اللى بمجرد ماتكون لوحدها بتبدأ تتحرك وتتكلم بشكل مرعب بس أقدر ابرر خوفى من الفيلم اللى محدش بيخاف منه غيرى هو إنى بخاف من الدمي حتى انى كنت بتخيل كل العرايس والدباديب اللى فى البيت بتستنانا ننام وتقوم وتتحرك حتى من قبل ما الفيلم يتعمل كل الكلام ده مأكدليش ان الموضوع ده بجد وممكن يحصل فى الحقيقة إنما اللى أكدلى هى القصة اللى حصلت معايا وهحكيها بالتفصيل .. تبدأ أحداث القصة وانا فى محل لعب الأطفال بحاول ادور ل اختي ع هديه اجبهالها ونا بدور شوفت عروسة لعبة فى أخر المحل عجبتنى جدا رغم شكلها المرعب صاحب المحل قالى إن النوعية دى مش للبيع وإن محدش بيرضى يشتريها علشان شكلها المرعب وحجمها الضخم بس أنا أصريت إنى أخدها ومعرفش ليه بس هى دخلت دماغى وفعلا اشتريتها واخدتها وروحت وفى نفس الليلة رجعت للبيت حطيت العلبة اللى فيها العروسة فى الصالة ودخلت أوضتى مسكت موبايلى وطبعا سرحت فيه لمدة ساعتين بعدين قومت ادخل الحمام وأنا طالع من الاوضة وماشى بسرعة لفت أنتباهى شخص قاعد فى الصالة لمحته بسرعة وانا معدى رجعت تانى بضهرى علشان أتأكد بس ده مش شخص دى العروسة اللعبة خطر فى بالى مليون سؤال لكن السؤال الأول هو مين اللى اللى طلع البتاعة دى برة كيستها ؟ حاولت أقنع نفسى إن انت اللى خرجتها بس أنا ناسى بحاول أضحك على نفسى واعمل نفسى مصدق علشان ميكونش اللى ف بالى صح لكن الساعة دقت 2 وبدأ الرعب الحقيقى.....
الفيديو كان شغال تمام لغاية اللقطة اللى ظهرت فيها ورايا ومظهرتش فى الفيديو رجعتها تانى ومظهرتش بردو وجت اللقطة انى ببص للهوا وطبعا كريم قابلنى بضحكته الشمتانة كالعادة بس مقدرتش ارد عليه لأنه فعلا له حق الصراحة بس انا بردو متأكد من اللى حصل وان الحركة دى مقصودة لانى متفرج على الفيديو ده قبل ما اروحله ييجى 10 مرات وكلهم ظهرت فيه اكيد فى حاجة غلط روحت اليوم ده وانا مقرر انى مش هنام تانى غير لما أخلص من الموضوع ده دخلت قعدت جنبها وانا مركز فى عينيها بس لاحظت انها ممثلة انها ثابتة بس عنيها بتتحرك حركة خفيفة فى مكانها ذى البني ادم وعاوزة ترمش ولاحظت بردو على ايديها نقط دم مقدرتش استحمل اكتر من كدة وقومت دخلت اوضتى لقيت زى مايكون فى طفل نايم على سريرى واللى خلاني اقترح كدة هو ان جسمه صغير شيلت الغطا بسرعة علشان اشوف أصعب مشهد فى حياتى لقيت القطة بتاعتى مدبوحة وراسها مقطوعة عن جسمها مين هيعمل كدة غير اللى قاعد برا وايديه عليها دم ؟ قررت من اللحظة دى انى لازم أتخلص من البتاعة دى لأنها لو فضلت أكتر من كدة هيبقى الدور عليا دخلت عليها لقيت عنيها بتنزل دم وعمالة تتهز بالكرسى اللى قاعدة عليه مهمنيش كل ده واخدتها وفتحت باب الشقة وانا حيران اوديها فين قطع تفكيرى واحدة جارتى وهى اللى كانت دايما بتسأل عليا طول ما أهلى مسافرين لانها قريبة جدا من والدتى المهم سألتني عن العروسة قولتلها انى واخدها أتخلص منها علشان مش مريحانى وبخاف منها قالتلى حرام ترميها دى شكلها جميل و نادر هاتها وانا هديها لبنتى هى بتحب تحتفظ بالحاجات دى اوى طبعا وافقت لأنها خلصتنى من حمل تقيل اوى وخلص المشهد وأنا فرحان جدا بس فى نفس الوقت حاسس بالذنب بس هى اللى طلبتها مش انا اللى اديتهالها كلمت كريم بعدها علشان ييجى يبات عندى انهاردة ونسهر براحتنا بس مكنتش اعرف ان الليلة اللى قضيتها وانا مبسوط ورايق كانت أسواء ليلة فى حياة جارتى وبنته
صحينا تانى يوم على صوت خبط الباب فتحت لقيتها جارتى وبنتها واقفين قدامي و وشهم فيه كيمة خوف مش طبيعيه وعمالين يعيطوا سألتهم فى ايه قالولي هنقولك كل حاجة بالتفصيل ... خلاصة اللى حصل معاهم إن أول ما الست خدت منى العروسة حطتها فى أوضة بنتها اللى كانت طول الليل بتذاكر علشان عندها امتحان الصبح طول الليل بنتها حاسة بحركات مش طبيعية فى الأوضة وصوت رجلين بتتحرك جمبها شوية وبرا الأوضة شوية وبتخبط جامد هى قالت لنفسها ده اكيد تهيؤات بسبب السهر طول الليل وبعد ساعات من الرعب اللى البنت عاشت فيه الامتحان قرب دخلت البنت الحمام وهى جوا سمعت صوت حد بيخبط عليها ولأن مفيش حد عايش معاها غير والدتها قالت : أستنى ياماما أنا جوا وبعد ماخلصت راحت البنت لأمها علشان تقولها انها خلصت بس اتفاجئت أن أمها نايمة نوم عميق ومستحيل تكون لسه نايمة من شوية صحت البنت أمها علشان تسألها ان كانت هى اللى خبطت أمها قالتلها انها مصيحتش خالص وان دى اكيد تهؤات من السهر والمذاكرة عملت البنت نفسها مقتنعة ومحبتش تقلق أمها ولا تحكيلها على اللى كانت بتسمعه طول الليل الغريب بقا إن البنت أول مارجعت البيت لقت أمها بتعيط وخايفة وبتشتكى إنها حست بحركات غريبة فى البيت وصوت حد بيمشى ويقرب منها كل شوية دخلت البنت اوضتها علشان تنام وفعلا اتغطت وعملت نفسها رايحة فى النوم وايديها على مفتاح النور وإحساس ان حد بيقرب منها عمال يزيد وأول ماحست ان الشخص ده قرب خالص فتحت النور بسرعة لقت العروسة دى وفى ايدها سكينة وكانت هتقتلها صرخت البنت بسرعة وطلعت من الأوضة وقفلت بالترباس وجريت على أمها وجم ليا علشان اشوفلهم حل طبعا فى اللحظة دى انا مكنش فى حاجة همانى غير شعور الانتصار اللى حسيته لما كريم اللى كان بيقول عليا مجنون حط وشه فى الأرض فهم هو نظراتى وقالى : مش وقت كل اللى انت عايز تقوله المهم دلوقتى نشوف حد يكون بيعرف يخرج الجن وفعلا جيبنا واحد شيخ بيقدر يخرجه بالقرآن دخل الشيخ قعد فى الأوضة مع الدمية لمدة نص ساعة ولما خرج صدمنا كلنا باللى قاله.......
خرجلنا الشيخ وقالنا انه مش هيقدر يعملنا حاجة اكتر من أنه يهدي الدمية دى لفترة مؤقتة ولما سألناه عن السبب قال : ده مش جن بالظبط ذى مانتوا فاهمين القطن اللى معمول منه العروسة دى كان اتمسح بيه دم شخص مقتول والقاتل هو اللى عمل كدة وحط القطن ده جوا العروسة علشان يبعد عن نفسه الشبهات روح الشخص اللى اتقتل رجعت تانى بس على هيئة دمية وده لأن الشخص القاتل لسه عايش حياته وحر الروح دى هتضطر تقتل كل اللى حواليها لو حقها مرجعش وأنا مضمنش انها تفضل هادية كدة كتير علشان كدة أنصحكم ترجعوا اللعبة دى للمحل اللى جيبتوها منه وصاحب المحل اكيد هيعرف يتصرف لأنه عارف مصدر كل الألعاب اللى بتجيله خلص الراجل كلامه وفعلا مترددناش وعملنا كدة فى وقتها وروحنا على المكان اللى فيه المحل بس اكتشفنا ان المحل ده ملهوش وجود اصلا لما فقدت الأمل انى ألاقى المحل ده روحت رميتها فى سلة زبالة ومشيت وأنا راجع كلمت الشيخ وحكيتلو ع الي حصل بس قالى ان اللى عملته ده غلط وإن الروح هى اللى هيئتلى المكان ده علشان تقع فى طريقى واساعدها تجيب حقها وانها كدة مش هتسيبنى فى حالى رجعت البيت لقيت نفس منظر القطة متكرر تانى رغم انى أخدت القطة رميتها ولقيت عبارة مكتوبة على الحيطة " النهاية قريبة " الجملة دى رجعتنى بالزمن سنتين من سنتين كنت بشترى مخدرات انا وكريم من واحد قاعد فى منطقة ريفية الراجل ده فى الاصل بيتاجر فى القطن وبيصنع بيه عرايس الراجل ده كان دايما بيقول النهاية قريبة بين كلامه كتير المهم الراجل ده كان ليه عندنا فلوس وكان عاوزها بس كريم مارضيش يديهاله فحصل بينهم شد فى الكلام ومسكوا فى بعض روحت انا بكل تهور وعدم تفكير جبت سكينة وضربتها فى زوره وأخدنا قطن من القطن بتاعه ومسحنا بيه الدم عشان ميكنش فيه اي اثر للجريمة الي حصلت معرفناش نخبي القطن دا فين غير اننا نحطه ف اي عروسه من العرايس الي عنده وفعلا اخدنا عروسة من اللى بيعملهم وحشيت فيها القطن اللى عليه دم وهربنا... الكلام ده معناه ايه ؟ أنا القاتل ! والعروسه دي مش هتمشي غير لما تقتلني.....؟! ..
.
النهاية ❤
قصة رعب سر جاري والشيطان
0 تعليقات